بسم الله الرحمن الرحيم
تفاصيل التقديم للحصول على الدكتوراه من كلية حقوق الاسكندرية
1. شهادة الليسانس + الماجستير ولا يشترط تقدير معين من جامعه الاسكندرية يكتفى الحصول على شهادة الماجستير
حتى ولو بتقدير مقبول ........الكلام دة فى حقوق اسكندرية ونخلى بالنا ان فى جامعات اخرى بتشترط تقدير معين
2. شهادة الميلاد
3. صورة البطاقة الشخصية
4.خطة ممضية من المشرف
5. تويفل
والكلية بتقبل اى شهادة سواء : ايلتس او تويفل اوفرنساوى
او auept
6. بعد كدا تروح المكتبة الرقمية تجيب براءة على الموضوع بتاعك والبراءة دى بتكون صالحة لمدة 3 شهور
بتحجز ميعاد الاول مش بتروح على طول الحجز على موقع المكتبة الرقمية الساعة 12 كل يوم ماعدا يوم الجمعه والسبت ، والحجز طبعا على النت فقط
الحجز مجرد بيانات زى اسم الموضوع بالعربى والاسم بالانجليزى والمشرف والقسم اللى هتعمل فيه الرسالة كلها بيانات عادية واى حد ممكن يعملها ، لو معرفتش كلمنى احجزلك بس تجهزلى جميع بياناتك
بعد الحجز هيحددوا ميعاد ليك ...خد معاك 50 جنية مش تنسى الدفع بالفيزا .................
7.بعد ما تاخد البراءة هتروح شئؤن الدراسات العليا تديلهم اوراقك كلها واستنى مجلس الكلية القادم وبعد موافقة مجلس الكلية هتبدأ رحلة كفاح جديدة وهتاخد الخطة موقعة من مجلس الكلية وتعمل ايداع فى المكتبة الرقمية للخطة وبعد كدا ترجعها الكلية مرة تانية
الرسوم المقررة هى :
السنة الاولى 10500 ، ممكن تدفع الترم الاول 6000 والثاني 4500 .....وانت بتدفع تزود 1000 عشان الامتحان التأهيلي
السنه الثانية 9000 ، الترم الاول 4500 والثاني 4500
بعد كدا ولحد ما تناقش هتدفع فى الترم 600 جنية
ملحوظة هامة : الوافدين نفس الاجراءات ولكن الرسوم تختلف
لينكات مهمة :
دة لينك حجز موعد - المكتبة الرقمية
https://dlib-alexu.com/reservation/
-------------------------------------------------------------------------------------------------------